اللہ کی قدرت

 آپ نے شاہین کی ناک کو کبھی غور سے دیکھا ہے.؟ اس کی ناک پر ایک کون ہوتی ہے جسے بفیل کہتے ہیں. شاہین بہت تیز رفتار پرندہ ہے. یہ جب شکار پر لپکتا ہے تو اس کی رفتار کچھ کم چار سو کلومیٹر فی گھنٹہ تک پہنچ جاتی ہے. اس رفتار پر ہوا اس کے پھیپھڑے ہی پھاڑ دے. اس لئے قدرت نے اس کی ناک پر یہ کون لگا دی ہے.

آپ تیز رفتار کار بس سے سر باہر نکال لیں تو چہرے پر تیز آتی ہوا میں آپ کا بھی سانس لینا مشکل ہو جاتا ہے. آپ فوراً اپنا ہاتھ ناک کے سامنے کر دیتے ہیں. یہی سائنس سپرسانک جہازوں کے انجن میں بھی ہوتی ہے. ان کے انجن میں بھی سامنے ایک کون ہوتی ہے. یہی کون اس رفتار اور طاقت کی ضمانت بنتی ہے.

آجکل زندگی کی رفتار بھی بہت تیز ہے. آپ وقت کی اس رفتار میں بہہ گئے تو آپ کو پتہ بھی نہیں چلتا اور زندگی آپ پر بیت جاتی ہے. اس لئے صبر اور تسلی کی ایک "کون" ہمیں بھی چاہئے ہوتی ہے جو ہمیں ہر وقت یاد دلائے آخر جلدی کیا ہے.؟ جلد بازی کبھی کسی کو منزل پر جلدی نہیں پہنچاتی.

آہستہ چلو تا کہ جلدی پہنچ پاو. اپنے فیصلے اپنی رفتار آہستہ کر دو کیونکہ جب ہم کاموں کو سکون، توجہ اور احتیاط سے کرتے ہیں، تو وہ زیادہ مؤثر اور کم غلطیوں کے ساتھ مکمل ہوتے ہیں۔ یہی ہمارا بفیل بنتا ہے.